La febbre del sabato sera?

El sàbo del vilàgio

(versione in dialetto veronese della celebre poesia “Il sabato del villaggio” di Giacomo Leopardi)

La butelota la vien dai campi        

quando le drio végner sera

con la so fasìna de fien; e la ga ‘n man

un masolin de rose e viole

parché, come l'è abituà a far,

la se prepara a far belo,

par doman, el giorno de la festa, el pèto e i cavei.

 

L’è sentà con le visine

su la scala a uciar la veciéta,

voltà là ‘ndo va so ‘l sol;

e la parla de quando l'era sòina

quando a la domìnica la se faséa bela,

e ancora sana e snela

l’era abituà a balar la sera con quei

che i era i so coetanei ne l’età più bela.

Sa tuta l'aria la se fa scura,

torna azuro el ciel, e ritorna le ombre

so dai coli e dai teti,

a la luce bianca de la luna apena nata.

 

Adeso la campana la dà el segnal

che doman l’é festa;

e a sentirla te diresi

che ‘l cor el se consola.

 I buteleti sigando

ne la piasa tuti ‘nsieme

e saltando de qua e de là

i fa ‘n bel casin;

e intanto el torna a la so pora sena

fis-ciando, el bacan,

e tra de lù el pensa al giorno del so sponsar...

Dopo, quando intorno i è spente tute le luci

e tuto ‘l tase,

se sente el martel ciocar, se sente la sega

del marangòn che ‘l laora

ne la bottega serà al ciaro de la candela

e ‘l se dà da far par finir

‘n presia el laoro prima che vegna matina.

 

Sto qua l’è ‘l più bélo dei sete giorni

pien de speransa e alegria

Doman el tempo ‘l portarà

tristésa e noia parché se pensa

che el giorno dopo bisogna nar ancora a laorar.

Buteleto schersoso,

sta età piena de speranse

l’é come ‘n giorno pien de alegria

giorno ciaro, sereno

che ‘l vien prima de la giovinesa..

Godete, buteleto mio, un momento beato,

na stagion felice l’è questa.

No voi dirte altro; ma no sta a lamentarte

se la giovinesa l’é ‘ncora lontana.

NDR

Per una corretta pronuncia del dialetto veronese:

S e Z (la “S” e la “Z” in neretto sottolineato): suono dolce (come in “casa”)

S  (la “S” senza evidenziazione): suono aspro (come in “suono”)

 

Numero 1
gennaio 2005